-9 C
Rīga
svētdien, decembris 5, 2021

..bisers zam kuoju

 

Šūvokor sagribieju raksteit latgaliski itymā blogā. Taida guņs īkšā. tārauda na tikai par vacuom attīceibom, a i par myužvierteigom attīceibom: kas ir īkšā, tys nav tikai vakar, tys ir ari aizvakar i reit:) *** acs acs tovys munys apsavierīņs uz jiuru krostā īsagulušom konturom nu myusu vakarnakts kū viļni nav nūslāpuši nu putynu ziņkuoreibys lānom dalna rūtaļuodamuos sajauc smiļts lai caltu i sadrupynuotu *** ceļam puori puori ceļam relativys sajiutys papīžūs i gaisa tradicionaluo vibraceja meža zemeņu smuoržeņa munūs motūs kai talismans ceļam puori i – pļova pļovai – i mežs i puori vibracejai *** nav juogaida zyrgi aizskrīn puori pļovai pajiuk rosa i pīniņu dzaltonums laksteigola lokstojās – soldona dzīsme saleip ziernekļa teimeklī nikas nav paradzams i gaideišona kod tu palaidi mani vaļā es klivu par pulkstynu tik… na tik… *** muzykys ritms ībunguodeņoj manī franču smolkuos maizeitis i angļu mīra puorjimta pretkopejuotuoja porcelaniskuo seja nav daudz maņ eisziņu nu punktim kur asu dasaskuoruse ar vāsu karūteiti atsvaidzynoju lyupys i ritmā pazaudēju leidzsvora eseibu *** munā piļsātā ānu gaismys i šaļteņu breineiba saplāstys peipyunis bolss i vaiduojums cepļa sprāguojums laiks kod zam koldura atsagrīž puosoka… *** Amsterdamā leits i cylvāks kurš sacer muzyku čarsta pa ustobu nūts tuos lidoj pleivinej leidz dažys īsapyn juo slaikū pierstu izlīkumūs i atdzymst leita blūzā iz Amsterdamys… *** krūgs. muzyčka. palny. kod irā par daudz nu tovu skatīņu daveru plokstus gaidu kod drupeit apsarims itei tiuļuokbyuteiba kod atvieršu acs i tu vēļ byusi pi myusu golda nanūtics veļums *** izdzīdi itū dzīsmi bez vuordim bez meļdeņa bez maņa vacajā upē īmierkuse kuojis ar saplaisnuojušim papīžim puspalaime meditej diskretiski daskuorīni nu paītgaromgribūša siermbuordaina kunga kuram vairuok par sirsneibu nikuo nav plyka tei dvēsele kas bez maņa

 

TAVS KOMENTĀRS

Please enter your name here
Please enter your comment!

Iepriekšējais rakstsNo vienas puses mīlestība, bet no otras…
Nākamais rakstsKā būt?